INFOS

3D Shadowbox

Hei handelt et sech em eng Technik déi net nei ass, mee en absolut schéinen Effekt huet. De Prinzip ass einfach, an zwar gi verschidde Biller hannerteneen an eng hëlze Rumm gesat, mat engem Ofstand vu +/-5mm, d'Unzuel vun de Biller variéiert tësche 4 an 10. D'Biller ginn da vun hanne beliicht a well d'Hellechkeet vun hannen no vir ëmmer méi schwaach gëtt, kritt een eben den 3D Effekt vun Déift.

D'Shadowbox gëtt iwwert en Netzdeel 220V/12V bedriwwen an ass ganz spuersam wat de Stroumverbrauch ugeet. An der Box selwer ass eng Elektronik agebaut déi iwwert eng Fernsteierung oder eng App gesteiert ka ginn, a wou ee verschidde Faarwen a Modiën kann usteieren. Et ass och ee Mikro integréiert sou dass d'Faarwen op den Takt vun der Musik wiesselen (Liichtuergel), bref d'Shadowbox huet ganz vill Méiglechkeeten.

Si Dir intresséiert un esou enger 3D Shadowbox, da mellt Iech bei mir. Sollt Dir näischt a mengen aktuellen 3D Shadowboxe fannen, da schreift mir ganz einfach wat Dir Iech virstellt an ech maachen Iech dann eng oder méi Proposen.